失眠夜

好想瞓，無得瞓！有得瞓，瞓唔著！ - 黃子華

有否嘗試過，肉體很生猛，但係無乜精神，虛虛浮浮咁？

又有否嘗試過，鬼打都無咁精神，思考又鬼咁死清晰，之但係又懶洋洋無咩力咁呢？好想瞓，無得瞓！有得瞓，瞓唔著！

瞓唔著，我便會在床上打滾迷思，想一些將會發生及永遠沒有何能發生以及回憶一些發生過或無關痛癢的小事。記住，係小事，然而將所有小事堆積起來，再分類，就會有好幾件大事，最後，大事又會變成更深層次的迷思，愈諗個人就愈醒，眼皮愈重個腦就轉得更快。以前會因明天要上班怕沒有精神反應遲純會做錯事，變成自責發脾氣心情極差，愈差又愈瞓唔著，瞓唔著，又陷入迷思...終於要宣告今天是失眠夜。

其實，是可以解決的，而我真的有妙法可以極速入睡，那就是聆聽自己的呼吸，首先深深吸一口氣，吸得自己無法負荷，然後閉氣，在心裡數十，重覆這動作十次，其間要完全絕對專心留意自己的呼吸聲，十分有效。

咁你又唔瞓？因為思考的過程對我來說，是一件極度愉快的事(係唔係好似d四眼小學生立志要做個科學家咁呢)，一旦陷入迷思難以自拔，我都會由它得過且過，完全不需要得到結果(呢樣就唔係科學家要既野喇)，結果實在不重要。

加上，我又無工返呢...